کراچی: گرج چمک کیساتھ ہلکی بارش کا امکان

محکمۂ موسمیات کا کہنا ہے کہ کراچی شہر میں آج کہیں کہیں گرج چمک کے ساتھ ہلکی بارش بھی ہو سکتی ہے۔

محکمۂ موسمیات کے مطابق کراچی میں آئندہ 24 گھنٹوں کے دوران مطلع جزوی ابر آلود رہنے کا امکان ہے۔

کراچی سمیت سندھ میں بارشوں کے نئے سسٹم کی آمد متوقع

محکمہ موسمیات نے آگاہ کیا ہے کہ ہوا کا کم دباؤ مشرقی سندھ تک پہنچ رہا ہے، سسٹم کے اثرات کے باعث کراچی میں ہلکی بارش اور بوندا باندی کا امکان ہے۔

محکمۂ موسمیات کا کہنا ہے کہ شہرِ قائد کا کم سے کم درجۂ حرارت 27 اعشاریہ 8 ڈگری سینٹی گریڈ ریکارڈ کیا گیا۔

کراچی میں آج زیادہ سے زیادہ درجۂ حرارت 35 سے 37 ڈگری سینٹی گریڈ تک جانے کا امکان ہے۔

یہ بھی پڑھیئے: کراچی کے کچھ علاقوں میں آج ہلکی بارش کا امکان

محکمۂ موسمیات کا مزید کہنا ہے کہ کراچی میں چلنے والی ہوا میں نمی کا تناسب 64 فیصد ریکارڈ کیا گیا ہے۔

محکمۂ موسمیات کا یہ بھی کہنا ہے کہ شہر میں شمال مغرب اور جنوب مغرب سے ہوائیں چل سکتی ہیں۔