مزید 5 یا 6 ریاستیں اسرائیل سے تعلقات کیلئے تیار ہیں، ٹرمپ

امریکا کے صدر ڈونلڈ ٹرمپ نے کہا ہے کہ اسرائیل سے تعلقات قائم کرنے کے لیے مزید کئی ممالک تیار ہیں۔ 

ان خیالات کا اظہار انہوں نے متحدہ عرب امارات (یو اے ای) اور بحرین کے  وزرائے خارجہ اور اسرائیلی وزیراعظم سے بات چیت کے بعد کیا۔

امریکی صدر کا کہنا تھا کہ کئی ممالک اسرائیل کے ساتھ تعلقات تیار کرنے کے لیے تیار ہیں۔

انھوں نے کہا کہ 5 یا 6 ممالک ایسے ہیں جو بہت جلد اسرائیل کے ساتھ تعلقات قائم کرلیں گے۔

مزید پڑھیے:

• امارات اور بحرین نے اسرائیل سے تعلقات کے معاہدے پر دستخط کردیئے
• ’اسرائیل، امارات معاہدے کا دن عرب دنیا کے لیے یوم سیاہ‘ 
• اسرائیل بحرین معاہدہ شرمناک ہے، ایران اور ترکی نے مسترد کردیا
• تعلقات کیلئے اسرائیل کو فلسطینی سرزمین سے قبضہ ختم کرنا ہوگا، قطر

صدر ٹرمپ کا کہنا تھا کہ مشرق وسطیٰ کے ممالک تنازعات کی صورتحال سے تنگ آچکے ہیں۔

ڈونلڈ ٹرمپ نے کہا کہ سعودی فرمانروا سلمان بن عبدالعزیز اور ولی عہد محمد بن سلمان سے بہت مفید گفتگو ہوئی ہے۔

امریکا کے صدر نے کہا کہ کچھ دنوں میں بہت اچھی باتیں سامنے آئیں گی۔ انھوں نے یہ بھی کہا کہ ہم فلسطین کی بھی بات کرتے ہیں۔