• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور :BRTبسوں میں کتنی بار آگ لگ چکی؟

تازہ ترین
قومی خبریں
16 ستمبر ، 2020


حیات آباد پشاور میں آج بھی بی آر ٹی کے فیڈر روٹس پر چلنے والی بس میں اچانک آگ بھڑک اٹھی تھی ،جس کے بعد آج سے بس سروس عارضی طور پر معطل کردی گئی ہے۔

ترجمان ٹرانس پشاور کی جانب سے جاری کردہ اعلامیہ کے مطابق بی آر ٹی کی تمام بسوں کا ازسرنو جائزہ لیا جائے گا اور بس بنانے والی کمپنی کی ٹیم تفصیلی انداز میں تمام بسوں کا معاینہ کرے گی۔

ترجمان ٹرانس پشاور کے مطابق بی آر ٹی کی بسوں میں لگنے والی آگ کی وجوہات پر تفتیش جاری ہے، بی آر ٹی کی ہر بس کو تکنیکی اعتبار سے مکمل کلیئر کرنے کے بعد بحال کیا جائے گا۔

واضح رہے کہ بس ریپڈ ٹرانزٹ (بی آرٹی) پشاور کی بسوں میں آگ لگنے اور خرابی کے 5 واقعات رونما ہوچکے ہیں۔

ریسکیو عملے نے بی آر ٹی کی بس میں لگنے والی آگ پر بروقت قابو پایا اور مسافروں کو بحفاظت بس سے نکالا۔

پشاور بی آر ٹی، ایک اور بس میں آتشزدگی

ترجمان نے کہا کہ بی آر ٹی کے تمام ڈرائیورز کو ہنگامی صورت حال سے نمٹنے کے لیے ٹریننگ دی گئی ہے۔

بی آرٹی پشاور کی بسوں میں آگ لگنے کا آج یہ تیسرا واقعہ رونما ہوا ہے، اس سے قبل 11ستمبر کو گلبہار اسٹیشن کے قریب بس میں آگ لگی تھی۔

تین ہفتے قبل حیات آباد میں بھی بی آرٹی بس میں اچانک آگ بھڑک اٹھی تھی، جس میں کوئی جانی نقصان نہیں ہوا تھا۔

بی آرٹی کی 2 بسوں میں تیکنیکی خرابی پیدا ہوئی جس کے باعث مسافروں کو بسوں سے اتارنا پڑا تھا۔

پشاور میں بی آر ٹی بس میں آگ لگ گئی، کوئی جانی نقصان نہیں ہوا

پشاور کے علاقے حیات آباد میں بی آر ٹی بس میں آگ لگ گئی جسے ریسکیو عملے نے بجھا دیا۔ آگ ایئر کنڈیشنر میں لگی تھی جس کے بعد مسافروں کو بحفاظت اسٹیشن سے باہر نکال لیا گیا تھا۔ واقعے میں کوئی جانی نقصان نہیں ہوا۔

ذرائع کے مطابق بی آر ٹی بسوں میں اب تک آگ لگنے کے 5 جبکہ بس خراب ہونے کے نصف درجن سے زیادہ واقعات ہوئے، جس کے پیش نظر بی آر ٹی بس سروس آج سے عارضی طور پر معطل کردی گئی ہے۔

تازہ ترین