آپ آف لائن ہیں
بدھ10؍ربیع الاوّل 1442ھ28؍اکتوبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

جنسی ہراسانی کے الزامات نے ٹرمپ کا پیچھا نہ چھوڑا


صدر بننے کے چار برس بعد بھی جنسی ہراسانی کے الزامات امریکا کے صدر ڈونلڈ ٹرمپ کا پیچھا نہیں چھوڑ رہے۔ سابق ماڈل نے الزام عائد کیا ہے کہ ڈونلڈ ٹرمپ نے انہیں 1997ء میں جنسی طور پر ہراساں کیا تھا۔

سابق ماڈل ایمی ڈوریس نے ڈونلڈ ٹرمپ پر الزام ایسے وقت لگایا ہے جب ان کے دوسری بار صدارت کے الیکشن میں صرف دوماہ رہ گئے ہیں۔

ایمی ڈوریس نے برطانوی اخبار کو بتایا کہ 1997ء میں نیویارک میں یو ایس اوپن ٹینس ٹورنامنٹ کے موقع پر ڈونلڈ ٹرمپ نے انہیں اپنے کمرے میں جنسی ہراساں کیا۔

ڈوریس کا کہنا تھا کہ اس وقت وہ 24 برس کی تھی، صدر ٹرمپ کے وکیل نے الزامات کی سختی سے تردید کی ہے۔

خیال رہے کہ ڈونلڈ ٹرمپ کو اس سے پہلے بھی ایک درجن سے زائد خواتین کی جانب سے ایسے الزامات کا سامنا رہا ہے، جن میں جنسی زیادتی کے الزامات بھی شامل ہیں۔

بین الاقوامی خبریں سے مزید