ایف بی آر کی تفصیلات درست نہیں، آصف زرداری نے سوا 2 کروڑ ٹیکس ادا کیا، ترجمان

سابق صدر آصف زرداری کے ترجمان نے ٹیکس ادائیگی کی تفصیلات کے  معاملے پر کہا ہے کہ ٹیکس سے متعلق ایف بی آر کی جاری کردہ تفصیلات درست نہیں ہیں۔

ترجمان آصف زرداری نے مزید کہا کہ آصف زرداری نے 2018 میں 22 لاکھ 18 ہزار روپے انکم ٹیکس اداکیا تھا۔

سال 2018 میں کس نے کتنا ٹیکس دیا؟

فیڈرل بورڈ آف ریونیو (آیف بی آر) کی جا نب سے جاری کی گئی ڈائریکٹری کے مطابق وزیراعظم عمران خان نے 2018ء میں 2 لاکھ 82 ہزار 449 روپے ٹیکس دیا جبکہ پاکستان مسلم لیگ ن کے صدر اور قائد حزب اختلاف شہباز شریف نے 97 لاکھ 30 ہزار 545 روپے اور پاکستان پیپلز پارٹی کے صدر آصف زرداری نے 28 لاکھ 91 ہزار 455 روپے ٹیکس دیا۔

انھوں نے کہا کہ آصف زرداری نے زرعی ٹیکس کی مد میں ایک کروڑ 99 لاکھ 87 ہزار 335 روپے ٹیکس دیا۔

ترجمان کا مزید کہنا ہے کہ 2018 میں آصف زرداری کے ادا کردہ مجموعی ٹیکس کی رقم 2 کروڑ 22  لاکھ 55 ہزار 64 روپے ہے۔