آپ آف لائن ہیں
منگل9؍ربیع الاوّل 1442ھ 27؍اکتوبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

نواز شریف APC میں بذریعہ ویڈیو لنک شریک ہونگے: مصطفیٰ نواز


پاکستان پیپلز پارٹی کے چیئرمن بلاول بھٹو زرداری کے ترجمان و سینیٹر مصطفیٰ نواز کھوکھر کا کہنا ہے کہ نواز شریف اے پی سی میں ویڈیو لنک کے ذریعے شریک ہوں گے۔

ترجمان بلاول بھٹو زرداری کا کہنا ہے کہ سابق وزیراعظم نواز شریف کو کل چیئرمن بلاول بھٹو زرداری نے اے پی سی میں شرکت کی دعوت دی تھی، جو انہوں نے قبول کر لی ہے۔

انہوں نے مزید بتایا کہ چیئرمن پی پی پی بلاول بھٹو زرداری نے میاں نواز شریف کی صحت کے بارے میں دریافت کیا اور ان کی جلد صحت یابی کی دعا کی۔


مصطفیٰ نواز کھوکھر کا یہ بھی کہنا ہے کہ بلاول بھٹو زرداری اور نواز شریف کے درمیان فون پر سیاسی صورتِ حال اور مستقبل کے لائحہ عمل پر بھی تبادلہ خیال ہوا تھا۔

قومی خبریں سے مزید