آپ آف لائن ہیں
بدھ10؍ربیع الاوّل 1442ھ28؍اکتوبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

سانحہ بلدیہ کیس کے فیصلے پر فیصل سبزواری اور سعید غنی آمنے سامنے


سانحہ بلدیہ فیکٹری کیس کا فیصلہ سامنے آتے ہی سندھ کی دو بڑی جماعتوں پیپلز پارٹی اور متحدہ قومی موومنٹ پاکستان نے سوشل میڈیا پر بیان بازی تیز کردی ہے۔

ایم کیو ایم کے فیصل سبزواری نے کہا کہ روف صدیقی کی کیس میں بریت نے ثابت کردیا کہ معاملے سے متحدہ کا کوئی تعلق نہیں۔

فیصل سبزواری کےبیان میں صوبائی وزیر تعلیم سعید غنی نے استفسار کیا کہ ’یہ بتادیں حماد صدیق کون ہے؟ اور بھولا اور چریا کون ہے؟


اس پر ایم کیو ایم رہنما نے اعتراف کیا کہ یہ تینوں سانحے کے وقت ایم کیو ایم سے وابستہ تھے۔

فیصل سبزواری نے ساتھ ہی پیپلز پارٹی کے رہنما سے سوال کیا کہ ’ آپ کی حکومت نے اس سانحے کی 3 مشترکہ تحقیقاتی ٹیمیں (جے آئی ٹیز) کیوں بنائیں؟

انہوں نے مزید کہا کہ پہلی 2 جے آئی ٹی کیا کہہ رہی تھیں؟ وہ غلط تھیں تو ان افسران کے ساتھ آپ کی حکومت نے کیا کیا؟

قومی خبریں سے مزید