آپ آف لائن ہیں
منگل9؍ربیع الاوّل 1442ھ 27؍اکتوبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

نجی میڈیکل کالجز کا فیسوں میں اضافے کا مطالبہ


پاکستان ایسوسی ایشن آف پرائیویٹ میڈیکل اینڈ ڈینٹل انسٹیٹیوشنز کے صدر پروفیسر ڈاکٹر چوہدری عبدالرحمٰن نے نجی میڈیکل کالجز کی فیسوں میں اضافے کا مطالبہ کردیا۔

لاہور میں میڈیا سے گفتگو کرتے ہوئے انہوں نے کہا کہ اگر پاکستان میڈیکل اینڈ ڈینٹل کونسل نے تنگ کیا تو پہلے داخلے بند کریں گے اور پھر کالجوں کی تالہ بندی ہوگی۔

ڈاکٹر چوہدری عبدالرحمٰن کا کہنا تھا کہ ہر روز پی ایم ڈی سی اور پی ایم سی کا نیا پُرفارما آ جاتا ہے۔

انھوں نے کہا کہ وہ تنگ نہ کریں اور جمہوری رویہ اپناتے ہوئے ہم سے بھی مشاورت کریں۔

ان کا کہنا تھا کہ ملک میں 2 لاکھ ڈاکٹرز کی کمی ہے، ملک میں کُل 160 میں سے 110 نجی میڈیکل کالجز ہیں۔

انھوں نے کہا کہ 64 پرائیوٹ میڈیکل کالجز سے سالانہ ڈیڑھ سے 2 ارب روپے لیے جاتے ہیں، یونیورسٹی آف ہیلتھ سائنسز والے صرف امتحان لیتے ہیں اور ان کے پیپر بھی لیک ہو جاتے ہیں۔

ڈاکٹر چودھری عبد الرحمٰن کا کہنا تھا کہ عالمی معیار کے مطابق 1 ہزار شہریوں کے لیے ایک ڈاکٹر ہونا چاہیے، ہمارے یہاں 2500 افراد کے لیے بھی ایک ڈاکٹر نہیں۔

قومی خبریں سے مزید