آپ آف لائن ہیں
جمعرات11؍ ربیع الاوّل 1442ھ 29اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ضلع خیبر کی تحصیل باڑہ میں پہلا پولیس اسٹیشن قائم

قبائلی اضلاع میں حکومتی رٹ سول انتظامیہ کو منتقل کرنے کا آغاز ہوگیا، ضلع خیبر کی تحصیل باڑہ میں پہلا پولیس اسٹیشن قائم کر دیا گیا ہے۔

بلند پہاڑوں کے جھرمٹ میں سبز ہلالی پرچم سے مزئین یہ عمارت ضلع خیبر کے دور افتادہ علاقہ وادی تیراہ میدان تھانے کی ہے، فاٹاکے صوبےمیں انضمام کے بعد قبائلی اضلاع میں یہ پہلا پولیس اسٹیشن قائم کیاگیا ہے۔

سی سی پی او پشاور محمد علی گنڈاپور نے میڈیاسے گفتگو میں کہاکہ قبائلی اضلاع کے 28 ہزار خاصہ داراورلیویز فورس پولیس میں ضم ہوچکے ہیں۔

ایک لاکھ سے زائد آبادی پر مشتمل وادی تیراہ افغان سرحدسے متصل ہے اور ہزاروں سال وادی تیراہ ہر حکومت کی عمل داری سے باہر رہی ہے۔ مغل سلطنت ، سکھ حکمران ، برطانوی دور حکومت میں بھی یہاں حکومتی رٹ قائم نہ ہوسکی تاہم اب حکومت تیراہ میں تھانے کے قیام سے نئی تاریخ رقم کرنے جارہی ہے۔


امن کے قیام کیلئے اس علاقے میں تھانے کے کردار کو کلیدی قرار دیا جا رہا ہے۔

قبائلی اضلاع سے دہشت گردی کی افریت کے خاتمے کے بعد حکومت پولیس نظام کو مربوط بنانے کے لئے پرعزم ہے جس سے مقامی شہریوں کو انصاف تک رسائی میں مدد بھی مل سکتی ہے۔

قومی خبریں سے مزید