آپ آف لائن ہیں
جمعرات4؍ ربیع الاوّل 1442ھ 22اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ڈین جونز نے کس پاکستانی کرکٹر کیلئے فنڈ اکھٹا کیا؟

گزشتہ روز دارِ فانی سے کوچ کرنے والے کرکٹ آسٹریلیا کے لیجنڈ بیٹسمین ڈین جونز کا ایک میسج سوشل میڈیا پر زیر گردش ہے جس میں وہ کینسر سے نبرد آزما قومی کرکٹر آصف علی کی بیٹی کیلئے امداد کی درخواست کر رہے ہیں۔

میسج کے اسکرین شاٹ سے واضح ہوتا ہے کہ ڈین جونز کرکٹ میں اعلیٰ کارکردگی کے علاوہ انسانیت کیلئے دردِ دل رکھنے والے انسان بھی تھے۔

سوشل میڈیا صارف ریحان کی جانب سے شیئر کئے گئے میسج کے اسکرین شاٹ میں دیکھا جا سکتا ہے کہ ڈین جونز ٹیم کے دیگر کھلاڑیوں سے آصف کی مالی مدد کے لیے امداد کی درخواست کررہے ہیں۔

ڈین جونز نے اپنے میسج میں لکھا کہ ’میں سوچ رہا ہوں کہ ہمیں آصف اور اس کے اہل خانہ کی مالی مدد کیلئے کچھ امداد اکھٹی کرنی چاہئے، تاکہ اسے علاج معالجے کیلئے اخراجات میں مدد مل سکے۔‘

ڈین جونز کو اپنے کھلاڑیوں سے بہت محبت تھی، اسلام آباد یونائیٹڈ کے ہیڈ کوچ ڈین جونز ایک دفعہ کرکٹ میچ کے حوالے سے پریس کانفرنس کے دوران آصف علی کی بیٹی کی صحت کا ذکر کرتے ہوئے آبدیدہ ہوگئے تھے۔

پریس کانفرنس میں ڈین جونز نے ہچکیاں لیتے ہوئے کہا تھا کہ آصف علی کی بیٹی بہت بیمار ہے، بہت شدید بیمار، یہ کہہ کر وہ روتے ہوئے پریس کانفرنس سے اٹھ کر گئے تھے۔

جس نے بھی یہ مناظر دیکھے تھے وہ ایک غیر ملکی کوچ کے پاکستان کے کھلاڑی اور ان کی بیٹی کے لیے ایسے جذبات دیکھ کر حیران رہ گیا تھا۔

کھیلوں کی خبریں سے مزید