آپ آف لائن ہیں
ہفتہ6؍ربیع الاوّل 1442ھ 24؍اکتوبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

میر شکیل الرحمٰن کے ساتھ کھڑے ہیں، مظاہرین


پاکستان کے سب سے بڑے میڈیا گروپ جنگ اور جیو کے ایڈیٹر انچیف میر شکیل الرحمٰن کی گرفتاری کے خلاف ملک کے مختلف شہروں میں احتجاج کا سلسلہ جاری ہے، شرکا نے میر شکیل الرحمٰن کی بلاجواز گرفتاری کی مذمت کی اور کہا کہ وہ میر شکیل الرحمٰن کے ساتھ کھڑے ہیں۔

کراچی

کراچی میں جنگ دفتر کے باہر احتجاج کیا گیا، جس میں جنرل سیکریٹری ویمنز ونگ مسلم لیگ (ن) سندھ پروین بشیر، نائب صدر ن لیگ سندھ اقبال خاکسار، سینئر صحافی شکیل یامین کانگا، رانا محمد یوسف، دارا ظفر سمیت دیگر شریک ہوئے۔

راولپنڈی

راولپنڈی میں جنگ آفس کے باہر احتجاج میں سینئر صحافی حنیف خالد، منیر شاہ، نصرت ملک، کمال شاہ، آصف علی بھٹی، رانا غلام قادر سمیت دیگر نے شرکت کی۔

اس موقع پر شرکاء کا کہنا تھا کہ وہ میر شکیل الرحمٰن کے ساتھ کھڑے ہیں، حق اور سچ بولتے رہیں گے۔

لاہور

لاہور میں ڈیوس روڈ پر جاری احتجاجی کیمپ میں سینئر صحافی ظہیر انجم، اویس قرنی، شیر علی، محمد شفیق، فاروق اعوان، عزیز شیخ، محمد علی، ہمایوں زمان مرزا اور عائشہ اکرم نے شرکت کی۔

اس موقع پر مقررین کا کہنا تھا کہ میر شکیل الرحمٰن کی رہائی تک احتجاج جاری رہے گا۔

پشاور

پشاور میں جنگ جیو اور دی نیوز کے دفاتر کے باہر ہونے والے احتجاج میں مظاہرین نے میر شکیل الرحمٰن کی رہائی کا مطالبہ کیا۔

کوئٹہ

کوئٹہ میں میر شکیل الرحمٰن کی گرفتاری کے خلاف جنگ بلڈنگ کے باہر احتجاجی مظاہرہ کیا گیا۔

نواب شاہ اور بہاولپور

نواب شاہ اور بہاولپور میں بھی میر شکیل الرحمٰن کی رہائی کے لیے مظاہرہ کیا گیا۔

قومی خبریں سے مزید