آپ آف لائن ہیں
منگل15ربیع الثانی 1442ھ یکم دسمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

موٹر وے زیادتی کیس، ملزم شفقت کی شناخت پریڈ کا حکم


موٹر وے پر خاتون سے زیادتی کے کیس کی سماعت کے دوران لاہور کی انسدادِ دہشت گردی کی عدالت نے آئندہ سماعت سے قبل ملزم شفقت کی شناخت پریڈ کو یقینی بنانے کا حکم دے دیا۔

تفتیشی افسر نے عدالت سے استدعا کی کہ ملزم شفقت کی شناخت پریڈ کرانا ممکن نہیں ہو سکا، عدالت ملزم کی شناخت پریڈ کے لیے مہلت دے۔

تفتیشی افسر نے عدالت کو بتایا کہ ملزم شفقت کو دیپالپور سے گرفتار کیا گیا، ملزم کی نشاندہی پر مرکزی ملزم عابد کو گرفتار کرنا باقی ہے، ملزم کے قبضے سے پستول اور ڈنڈا برآمد کرنا بھی باقی ہے۔

عدالت نے ملزم شفقت کی شناخت پریڈ کے لیے پولیس کو مہلت دے دی، جبکہ ملزم کے جوڈیشل ریمانڈ میں توسیع بھی کر دی۔


انسدادِ دہشت گردی کی عدالت نے تفتیشی افسر کو جلد از جلد ملزم کی شناخت پریڈ کروانے کا حکم دیتے ہوئے کیس کی سماعت 6 اکتوبر تک ملتوی کر دی۔

قومی خبریں سے مزید