آپ آف لائن ہیں
ہفتہ13؍ربیع الاوّل 1442ھ31؍اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پشاور میں خواجہ سراؤں کیلئے پہلا اسپورٹس گالا


پشاور میں خواجہ سراؤں کے لیے اپنی نوعیت کے پہلے اسپورٹس گالا کا اہتمام کیا گیا جس میں وہ مختلف کھیلوں کے مقابلوں میں شرکت کر کے خوب محظوظ ہوئے۔

پشاور کے اسپورٹس کمپیلکس میں ڈائریکٹوریٹ یوتھ خیبرپختونخوا کے زیر اہتمام خواجہ سراؤں کے لیے رنگا رنگ اسپورٹس گالا منعقد کیا گیا۔

اس میں 50 سے زائد ٹرانس جینڈرز نے سات مختلف کھیلوں میں حصہ لیا۔

نیزہ بازی، 100 میٹر ریس، رسہ کشی، کرکٹ اور سائیکلنگ سمیت مختلف کھیلوں کے مقابلوں میں حصہ لے کر خواجہ سرا خوب محظوظ ہوئے۔


منتظمین کے مطابق ان مقابلوں کا دائرہ کار دیگر اضلاع تک بھی بڑھایا جائے گا۔

اس موقع پر میڈیا سے گفتگو کرتے ہوئے ڈائریکٹر یوتھ خیبر پختونخوا نے اسپورٹس گالا کو سراہا اور کہا کہ اس کا مقصد ان لوگوں کی اسپورٹس میں حوصلہ افزائی کرنا ہے۔

اسپورٹس گالا کے اختتام پر مختلف کھیلوں میں حصہ لینے اور کامیابیاں حاصل کرنے والوں نے جیت کا جشن ڈھول کی تھاپ پر منایا۔

کھیلوں کی خبریں سے مزید