جلسے کے شرکاء کو روکنے کیلئے کوئی رکاوٹ نہیں لگائی، فیاض چوہان

وزیر اطلاعات پنجاب فیاض الحسن چوہان کا کہنا ہے کہ ہم نے جلسے کے شرکاء کو روکنے کے لیے کوئی رکاوٹ نہیں لگائی ہے۔

وزیر اطلاعات پنجاب فیاض الحسن چوہان نے اپنے ایک بیان میں کہا ہے کہ جلسے کے شرکاء کو روکنے کے لیے کوئی رکاوٹ نہیں لگائی گئی ہے، اپوزیشن بوکھلاہٹ کا شکار ہو کر الزام تراشی پر اُتر آئی ہے۔

گوجرانوالہ جلسے میں پانی، ماسک ، سینیٹائزر مہیا کرینگے، شہباز گِل

وزیرِ اعظم عمران خان کے معاونِ خصوصی برائے سیاسی روابط شہباز گِل کہتے ہیں کہ آج گوجرانوالہ کے پی ڈی ایم کے جلسے میں حکومت لوگوں کو پینے کا صاف پانی، ماسک اور ہینڈ سینیٹائزر مہیا کرے گی۔

فیاض الحسن چوہان نے کہا کہ پنجاب حکومت نے اپوزیشن کو جلسے کے لیے ماسک اور سینٹی ٹائزرفراہم کرنے کا فیصلہ کیا ہے۔

انہوں نے کہا کہ مقامی انتظامیہ کوہدایت کردی ہے کہ ماسک اور سینٹی ٹائزر فراہم کیے جائیں۔

گوجرانوالہ جلسہ، راستے بند کر دیئے گئے

پولیس کی جانب سے پی ڈی ایم کی جلسہ گاہ گوجرانوالہ کے جناح اسٹیڈیم کی طرف آنے والے راستے کہیں خار دار تار اور کہیں کنٹینر لگا کر بند کر دیئے گئے ہیں۔

وزیر اطلاعات پنجاب فیاض الحسن چوہان نے مزید کہا کہ سیکورٹی اُمور اور عوام کے جان و مان کا تحفظ بھی یقینی بنائے جانے کی ہدایت کردی گئی ہے۔