IG سندھ کو یرغمال بنا کر FIR درج کرائی گئی، مولانا فضل الرحمٰن

اپوزیشن جماعتوں کے اتحاد پاکستان ڈیموکریٹک موومنٹ (پی ڈی ایم) اور جمعیت علمائے اسلام ف کے سربراہ مولانا فضل الرحمٰن کہتے ہیں کہ کراچی میں آئی جی سندھ اور ایڈیشنل آئی جی کو یرغمال بنا کر ایف آئی آر درج کرائی گئی۔

نواب شاہ میں میڈیا سے گفتگو کرتے ہوئے اپوزیشن جماعتوں کے اتحاد پاکستان ڈیموکریٹک موومنٹ (پی ڈی ایم) اور جمعیت علمائے اسلام ف کے سربراہ مولانا فضل الرحمٰن کا کہنا ہے کہ میر شکیل الرحمٰن کی گرفتاری آزادیٔ صحافت پر حملہ ہے۔

پی ٹی آئی سلیکٹڈ ہے، تو پھر سلیکٹر کون ہے؟ مولانا فضل الرحمٰن

اپوزیشن جماعتوں کے اتحاد پاکستان ڈیمو کریٹک موومنٹ (پی ڈی ایم) اور جمعیت علمائے اسلام ف کے سر براہ مولانافضل الرحمٰن کہتے ہیں کہ ہمارا سب کا دعویٰ ہے کہ پی ٹی آئی سلیکٹڈ ہے، تو پھر سلیکٹر کون ہے؟

انہوں نے کہا کہ جے یو آئی ف نے ملین مارچ اور آزادی مارچ کیئے، عوام کا ووٹ چوری کیا گیا، ملک میں آئینی حکمرانی کی جدوجہد ہو رہی ہے۔

مولانا فضل الرحمٰن نے کہا کہ پاکستان کی بقا کی جنگ ہے، اس میں تمام طبقے شریک ہیں۔

انہوں نے مزید کہا کہ پی ڈی ایم اتحاد دوبارہ انتخابات کرانے کے لیے ہے، ہم صوبوں کے اختیارات کے علمبردار ہیں۔

سربراہ پی ڈی ایم کا یہ بھی کہنا ہے کہ صوبائی اختیارات میں مداخلت نہیں ہونی چاہیئے، سندھ اور بلوچستان کے جزائر مقامی لوگوں کی ملکیت ہیں۔