مریم اورنگزیب کا وزیراعظم عمران خان سے استعفے کا مطالبہ

پاکستان مسلم لیگ (ن) کی ترجمان مریم اورنگزیب نے کہا ہے کہ مریم نواز کے کمرے پر دھاوے کی فوٹیج سامنے آنے پر وزیرِاعظم استعفیٰ دیں۔

ترجمان مسلم لیگ ن مریم اورنگزیب نے اپنے بیان میں کہا کہ مریم اورنگزیب کا کہنا تھا کہ عمران خان صاحب یہ فوٹیج آپ کی لاقانونیت، بےشرمی اور سیاسی انتقام کا ناقابلِ تردید ثبوت ہے۔

کیپٹن (ر) صفدر کی گرفتاری کی ویڈیو سامنے آگئی

مسلم لیگ نون کے رہنما کیپٹن ریٹائرڈ صفدر کی کراچی میں گرفتاری کی ویڈیو جیونیوز نے حاصل کرلی، گرفتاری کا آپریشن 46 منٹ جاری رہا۔

ان کا کہنا تھا کہ سی سی ٹی وی فوٹیج میں دیکھا جاسکتا ہے کہ کس طرح کمرے کا دروازہ توڑا گیا۔

مریم اورنگزیب نے کہا کہ ایک خاتون کے کمرے پر دھاوا بولا گیا جس کی گرفتاری کے وارنٹ بھی نہیں تھے۔

ان کا کہنا تھا کہ چادر اور چار دیواری کی بے حرمتی کرنے والوں کو شرم آنی چاہیے، وہ استعفیٰ دیں۔

بیگم صفدر ملکہ ٹویٹر ہیں اور ان کو کوئی کام نہیں، فیاض چوہان

وزیر اطلاعات پنجاب فیاض الحسن چوہان کا کہنا ہے کہ بیگم صفدر ملکہ ٹویٹر ہیں اور ان کو کوئی کام نہیں، یہ وہ شخصیت ہیں جو سوشل میڈیا کی لیڈرہیں۔

مریم اورنگزیب کا کہنا تھا کہ قوم کو بتایا جائے کیوں عمران صاحب کے حکم پر یہ غنڈہ گردی ہوئی؟

انھوں نے فوٹیج کی روشنی میں واقعہ میں ملوث افراد کے نام منظر عام پر لانے کا مطالبہ بھی کیا۔