آپ آف لائن ہیں
اتوار13؍ ربیع الثانی1442ھ 29؍ نومبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پلاسٹک فضلے مائیکروویو سے ہائیڈروجن میں تبدیل

پوری دنیا میں ہر سال پیدا ہونے والاکروڑوں ٹن پلاسٹک کا کچرا اب مسائل کا سبب بن رہا ہے ۔ پلاسٹک ماحول میں سینکڑوں سال تک پڑا رہتا ہے لیکن اب مائیکروویوعمل سے گزار کر پلاسٹک کو ماحول دوست ہائیڈروجن ایندھن میں تبدیل کیا جاسکتا ہے۔اگرچہ کیمیاداں کئی برس سے پلاسٹک سے ہائیڈروجن بنارہے ہیں لیکن مائیکرویو کا عمل اسے آسان اور تیزتر بنا دیتا ہے۔ 

اس کی اہم بات یہ ہے کہ اس میں توانائی کا خرچ بھی کم ہوتا ہے۔ایک تحقیق کے مطابق صرف برطانیہ میں ہر سال 15 لاکھ ٹن پلاسٹک کا کچرا پیدا ہوتاہے جو ایک مرتبہ استعمال ہونے والے پلاسٹک کا ضدی ڈھیر ثابت ہوتا ہے۔ تھیلیوں میں 14 فی صد ہائیڈروجن پایا جاتا ہے۔

اس طرح پلاسٹک میں سے ہائیڈروجن بطور ایندھن اخذ کیا جاسکتا ہے۔اس کا عام طریقہ تو یہ ہے کہ پلاسٹک کے کچرے کو انتہائی بلند درجہ حرارت (750 درجے سینٹی گریڈ) پر گرم کیا جائے۔ اس پر یہ سن گیس بن جاتی ہے جو ہائیڈروجن اور کاربن مونوآکسائیڈ کا مجموعہ ہوتی ہے۔ اگلے مرحلے میں ان دونوں گیسوں کو علیحدہ کرکے اس سے ہائیڈروجن نکالی جاتی ہے۔

اس لمبے چوڑے عمل کی بجائے پروفیسر پیٹر نے پلاسٹک کو عام بلینڈر میں ڈال کر اس کا باریک چورا بنایا۔ اس کے بعد عمل انگیز آئرن آکسائیڈ اور ایلومینیئم آکسائیڈشامل کیے گئے ۔ اس کے بعد 1000 واٹ قوت کے مائیکروویو جنریٹر میں رکھا گیا ۔ اس طرح کئی مقامات سے ہائیڈروجن گیس نکلنے لگی اور پورے عمل میں ہائیڈروجن کی 97 فی صد مقدار باہرنکل آئی۔ اس عمل میں صرف چند سیکنڈ لگے اور یوں کم خرچ میں پلاسٹک کو ہائیڈروجن میں بدل دیا گیا۔

اس عمل میں جو بچنے والی نینو کاربن ٹیوبس تھیں جن کو دیگر کاموں میںاستعمال کیا جا سکتا ہے ۔ماہرین کا کہنا ہے کہ اس عمل میں صرف 300 گرام پلاسٹک کو آزما گیا ہے اگلے مرحلے میں کئی کلو گرام مقدار سے ہائیڈروجن کشید کی جائے گی ۔بعدازاں صنعتی پیمانے پر اس کی آزمائش کی جائے گی۔

سائنس اینڈ ٹیکنالوجی سے مزید
ٹیکنالوجی سے مزید