ترجمان پاک فوج کی وضاحت کے بعد مزید کوئی گنجائش نہیں رہتی، شاہ محمود

وزیر خارجہ شاہ محمود قریشی نے کہا ہے کہ ڈی جی آئی ایس پی آر کی وضاحت  کے بعد مزید کوئی گنجائش نہیں رہتی ہے، میں نے کل بھی واضح کیا تھا کہ ایاز صادق کی گفتگو غیر ذمہ دارانہ تھی۔

شاہ محمود قریشی نے اپنے بیان میں کہا کہ غیر ذمہ دارانہ گفتگو ناقص کارکردگی پر ہٹائے گئے بھارتی ایئرچیف نے بھی چوڑے ہوکر بیانات دیئے، پہلے ہم نے بھارت کو سبق سکھایا، تناؤ میں کمی کے لیے اقدامات کیے اسے کہتے ہیں دانشمندی۔

ایاز صادق کی معافی سے کم پر کوئی بات نہیں ہوگی، شبلی فراز

شبلی فراز نے کہا کہ ان کامقصد ملک میں افراتفری پھیلانا ہے،یہ معیشت بہتری کوسبوتاژ کرناچاہتےہیں،ایاز صادق یا پی ڈی ایم معافی مانگ لےتوٹھیک ورنہ قانون کو اپناراستہ لینا چاہیے، انہوں نے اپنےآپکوبےنقاب کردیاہے،یہ ذاتی مفاد کیلئےکسی حد تک بھی جاسکتے ہیں۔

وزیرخارجہ نے کہا کہ اندر سے ہی ایسی بولیاں بولی جائیں گی تو ہرزہ سرائی کرنے والوں کے بیانیے کو تقویت ملے گی۔

شاہ محمود قریشی نے کہا کہ وضاحتی بیان سے تاثر ملتا ہے ایاز صادق، نہ چاہتے ہوئے کسی اور کے ہاتھوں میں کھیل گئے۔

ایک بیان سے تاریخ کو مسخ کرنے کی کوشش کی گئی، ترجمان پاک فوج

میجر جنرل بابر افتخار نے کہا کہ دشمن کے جہاز ہمارے شاہینوں کو دیکھتے ہی بارود خالی پہاڑ پر پھینک کر چلے گئے۔

انہوں نے کہا کہ ہندوستان پاکستان کو نیچا دکھانے کے لیے ہمیشہ موقع کی تلاش میں رہتا ہے، اگر اس طرح کے بیانات دیے جائیں گے تو بھارت یقیناً انہیں استعمال کرے گا۔

وزیرخارجہ نے کہا کہ ایاز صادق کے بیان نے پاکستان کی کوئی خدمت نہیں کی بلکہ نقصان پہنچایا ہے، ہمیں آگے بڑھنا ہے اور اس چیز سے اجتناب کرنا ہے جو غلطی ہوگئی اسے دہرایا نہ جائے۔