• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایاز صادق نے جس میٹنگ کی بات کی ، اس میں ابھینندن کی رہائی کا ذکر نہیں ہوا ، اسد عمر

تازہ ترین
قومی خبریں
29 اکتوبر ، 2020


وفاقی وزیر برائے منصوبہ بندی اسد عمر کا کہنا ہے کہ ایاز صادق کا بیان ایک حیرت انگیز بات ہے، میں اس میٹنگ میں شریک تھا جس کا وہ ذکر کر رہے ہیں، اس میٹنگ میں ابھی نندن کی رہائی کی بات ہی نہیں ہوئی تھی۔

اسد عمر نے ایاز صادق کے بیان پر ردعمل دیتے ہوئے کہا کہ ابھی نندن کو رہا کرنے کا فیصلہ اس سے اگلے دن پہلی دفعہ زیر بحث آیا تھا، ایسا سفید جھوٹ کس کو خوش کرنے کے لیے بولا جا رہا ہے؟۔

اسد عمر نے کہا کہ ایاز صادق صاحب آپ پتہ نہیں کس کے اشارے پر تاریخ مسخ کرنے کی ناکام کوشش کر رہے ہیں۔

ایک بیان سے تاریخ کو مسخ کرنے کی کوشش کی گئی، ترجمان پاک فوج

میجر جنرل بابر افتخار نے کہا کہ دشمن کے جہاز ہمارے شاہینوں کو دیکھتے ہی بارود خالی پہاڑ پر پھینک کر چلے گئے۔

انہو ں نے کہا کہ بھارت کے اندھیرے میں چھپ کر بزدلانہ وار کا پاکستان نے منہ توڑ جواب دیا، افواج  پاکستان نے ایک بار پھر دکھایا کہ واقعی ’اے پتر ہٹاں تے نئیں وکدے‘۔

اسد عمر نے کہا کہ بھارت کے 9 بجے حملے کی انٹیلی جنس رپورٹ بالکل ملی تھی، وہ حملہ اس لیے رکا کہ بھارت کو پیغام دیاگیا تھا کہ ہمیں حملے کی تیاری کا بھی پتہ ہے اور بھارت کو پیغام پہنچایا گیا تھا کہ جواباً اس سے زیادہ کاری ضرب لگانے کی تیاری بھی مکمل ہے۔

یہ بھی پڑھیے


وفاقی وزیر نے کہا کہ ابھی نندن کے جہاز گرنے کے بعد بھارت کو پتہ تھا ہم صرف زبانی دھمکی نہیں دیتے۔

تازہ ترین