ایرانی سفیر کی میلاد النبی ﷺ کی مبارکباد

30 اکتوبر ، 2020

پاکستان میں ایران کے سفیر سید محمد علی حسینی نے تمام پاکستانیوں کو میلاد النبی ﷺ کی مبارک باد دی ہے۔

پاکستان میں ایران کے سفیر سید محمد علی حسینی نے جاری کیئے گئے بیان کے ذریعے دیئے گئے پیغام میں عیدِ میلادالنبی ﷺ کی مبارک باد پیش کی ہے۔

ایرانی سفیر سید محمد علی حسینی نے کہا ہے کہ میری اور مملکتِ ایران کی طرف سے نبیٔ رحمت، خاتم الانبیا ﷺ کا میلادِ باسعادت اہلِ پاکستان کو مبارک ہو۔

انہوں نے کہا کہ پیغمبرِ اسلام ﷺ رحمتِ الٰہی کے مظہر اور امتِ اسلامی کی وحدت کے محور ہیں۔

یہ بھی پڑھیے

ایرانی سفیر کا مزید کہنا ہے کہ ربیع الاوّل تمام مسلمانوں کے درمیان اتحاد کی تقویت کیلئے بہترین موقع ہے۔

سید محمد علی حسینی کا یہ بھی کہنا ہے کہ آئیے! مسلمانوں کے درمیان محبت بڑھانے کے موقع سے بھرپور استفادہ کریں، ایران پاکستان دوستی زندہ باد۔

تازہ ترین

پاکستان اور نیوزی لینڈ کے درمیان چوتھا ٹی ٹوئنٹی آج ہوگا