فرانسیسی صدر کا گستاخانہ خاکوں سے اظہارِ لاتعلقی

فرانسیسی صدر ایمانوئل میکرون کا کہنا ہے گستاخانہ خاکوں کے حوالہ سے مسلمانوں کے جذبات کو سمجھتا ہوں، گستاخانہ خاکے حکومتی پروجیکٹ نہیں ہے اور نہ ہی ان کو سرکاری حمایت حاصل ہے۔

ایک عرب ٹی وی کو انٹرویو دیتے ہوئے ایمانوئل میکرون نے اپنے ملک میں گستاخانہ خاکوں سے لاتعلقی کا اعلان کردیا۔

اپنے بیان میں انھوں نے کہا کہ گستاخانہ خاکوں کے حوالہ سے مسلمانوں کے جذبات کو سمجھتا ہوں، گستاخانہ خاکے حکومتی پروجیکٹ نہیں ہے اور نہ ہی ان کو سرکاری حمایت حاصل ہے۔

فرانسیسی صدر نفرت انگیز بیانات سے انتہاپسندی کو ہوا دے رہے ہیں، ایران

فرانسیسی صدر کے اسلام مخالف بیانات کی شدید مذمت کرتے ہوئے ایرانی وزیر خارجہ جواد ظریف کا کہنا ہے کہ فرانسیسی صدر نفرت انگیز بیانات سے انتہا پسندی کو ہوا دے رہے ہیں۔

ایمانوئل میکرون کا کہنا تھا کہ میرے خیال میں اشتعال کی وجہ میرے حوالے سے منسوب جھوٹی باتیں ہیں، گستاخانہ خاکوں سے متعلق میرے بیان کو توڑ مروڑ کر پھیلایا گیا۔

فرانسیسی صدر نے کہا کہ مقامی لوگ میرے بیان کو سمجھتے تھے، اسی وجہ سے یہاں کوئی ردِعمل نہیں آیا۔

ان کا کہنا تھا کہ یہ تاثر دیا گیا کہ میں گستاخانہ خاکوں کی تشہیر کا حامی ہوں۔

توہین آمیز خاکوں اور فرانسیسی صدر کے بیانات پر مسلم دنیا سراپا احتجاج

فلسطین، شام، لیبیا سمیت کئی مسلم ممالک میں احتجاجی مظاہرئے ہوئے ہیں جبکہ عرب اسرائیلوں نے فرانسیسی سفارت خانے کے باہر مظاہرہ کیا۔

انھوں نے یہ بھی کہا کہ گستاخانہ خاکے نجی صحافتی اداروں نے شائع کیے جو حکومتی اجارہ داری سے آزاد ہیں۔

واضح رہے کہ فرانس میں گستاخانہ خاکوں کی تشہیر اور پھر فرانسیسی صدر کے اسلام سے متعلق بیان کے بعد مسلم سراپا احتجاج ہے۔

پاکستان، ترکی اور ایران سمیت کئی ممالک نے اس معاملے میں احتجاج بھی کیا۔