فرمان الہی
نماز کے اوقات
پاکستان مسلم لیگ نون کی ترجمان مریم اورنگزیب کا شیر جوان فورس سے متعلق کہنا ہے کہ شیر جوان فورس نوجوانوں کے سیاسی شعور میں اہم کردار ادا کرے گی۔
مریم اورنگزیب نے اپنے ایک بیان میں کہا ہے کہ مسلم لیگ نون کی نائب صدر مریم نواز شریف شیر جوان فورس کے قیام کے اغراض و مقاصد بیان کریں گی، شیر جوان فورس کا مقصد نوجوانوں میں سیاسی شعور پیدا کرنا ہے ۔
انہوں نے یہ بھی کہا ہے کہ آج قیادت کی جانب سے لاہور ڈویژن کے ارکانِ قومی اور صوبائی اسمبلی سمیت دیگر کو طلب کیا گیا ہے۔
واضح رہے کہ اس سے قبل پاکستان مسلم لیگ نون کی مرکزی نائب صدر مریم نواز شریف نے اپنے ایک بیان میں کہا تھا کہ آج سے شیر جوان تحریک کا آغاز ہو رہا ہے۔
مریم نواز نے نوجوانوں سے مخاطب ہوتے ہوئے کہا تھا کہ یہ آپ کی تحریک ہے، آپ قوم کا بازو، قوم کی آواز، قوم کی تقدیر اور قوم کا مستقبل ہیں۔
