-
فرمان الہی
-
نماز کے اوقات
- جمعرات 9؍شوال المکرم 1445ھ18؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
این ای ڈی انجینئرنگ یونیورسٹی کے شعبہ انڈسٹریل انجینئرنگ کے طالب علم محمد طلحہ فائنل سمسٹرکے اختتام سے چند ہفتے پہلے ڈرائیونگ کر رہے تھے کہ اچانک ایک خاتون سڑک پر آگئ اس کوبچانے کی کوشش میں خود جان کی بازی ہار گیا ۔ گرچہ یہ واقعہ آٹھ مارچ 2019 کو پیش آیا۔ اس واقعے میںمحمد طلحہ کی انسان دوستی اور دلیرانہ شہادت پر گزشتہ دنوں یونیورسٹی کے وائس چانسلر ڈاکٹر سروش حشمت لودھی نے طلحہ کے نام پر تعلیم گاہ کے احاطے میں صدقہ جاریہ کے طور پر ایک یادگار درخت لگایا ۔
اس سلسلے میں ایک تقریب بھی منعقد ہوئی ،جس میں یونیورسٹی کے اساتذہ اور طلباء کے علاوہ طلحہ شہید کے والد عبدالستار بھی شریک ہوئے۔ وائس چانسلر نے شرکاء سے خطاب کرتے ہوئے کہا کہ محمد طلحہ ایک ہونہار طالب علم تھے اور انہوں نے ایک انسانی جان بچانے کی خاطر اپنی جان قربان کرکے ایک بڑی نیکی انجام دی ہے، اللہ تعالیٰ انہیں اس کا بہترین اجر عطا فرمائے۔ وائس چانسلر کی جانب سے مرحوم طالب علم کی قربانی کے اعتراف میں ایک توصیفی سرٹیفکیٹ بھی دیا گیا ۔
