صدارتی انتخابات،امریکا کے متعددشہروں میں مظاہرے اور گرفتاریاں

واشنگٹن (این این آئی )امریکی شہر پورٹ لینڈ میں بدھ اور جمعرات کی درمیانی شب متعدد افراد کو گرفتار کر لیا گیا اور ان کے قبضے سے ہتھوڑے، آتش بازی کا مواد اور ایک رائفل برآمد ہوئی۔میڈیارپورٹس کے مطابق اس سے قبل اوریگن ریاست کے گورنر نے تشدد کے خطرات کے پیش نظر نیشنل گارڈز کو فعال کر دیا تھا۔ دوسری جانب نیویارک پولیس نے بھی بتایا کہ گزشتہ شب اس نے شہر میں جاری احتجاج میں شامل 50 افراد کو حراست میں لیا۔ امریکا میں کانٹے دار صدارتی انتخابات کے تناظر میں اٹلانٹا، اوکلینڈ اور ڈیٹروئٹ میں بھی مظاہروں کی اطلاعات ہیں۔