• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملتان میں کانسٹیبلز اور ٹریفک اسسٹنٹ کی بھرتی کیلئے دوڑ کا پہلا مرحلہ

میرا شہر
ملتان
07 نومبر ، 2020
ملتان (سٹاف رپورٹر) ملتان میں کانسٹیبلان، لیڈی کانسٹیبلان اور ٹریفک اسسٹنٹ کی بھرتی کیلئے آر پی او ساہیوال طارق عباس قریشی اور ایس ایس پی آپریشنز ملتان آصف امین اعوان کی زیر نگرانی دوڑ کا امتحان لیا گیا، ایس پی گلگشت ڈویژن احمد نواز شاہ، ایس پی صدر ڈویژن راؤ نعیم شاہد، ڈی ایس پی ہیڈ کوارٹر یوسف ہارون، ڈی ایس پی سرکل مظفر آباد عمران عارف سیال، ڈی ایس پی ٹریفک جاوید طاہر مجید اور دیگر افسران بھی ان کے ہمراہ تھے۔ دوڑ کیلئے پنجاب پولیس کے فارم نمبر 1تا 5000اور ٹریفک اسسٹنٹ کیلئے فارم نمبر 1تا 2000تک امیدواروں نے دوڑ میں حصہ لیا۔ دوڑ ڈی ایچ اے ہاؤسنگ سکیم مین گیٹ بوسن روڈ ملتان پر کروائی گئی، دوڑ کے دوران فول پروف سکیورٹی اور شفافیت کو یقینی بنانے کے لیے پولیس کی بھاری نفری تعینات کی گئی اس کے علاوہ دوڑ کے دوران مکمل ویڈیو ریکارڈنگ کی گئی بھرتی کے دوران کورونا ایس او پیز پر عمل درآمد کو یقینی بنایا جا رہا ہے۔
تازہ ترین