آپ آف لائن ہیں
ہفتہ9؍جمادی الثانی 1442ھ 23؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

عمران خان کی قیادت میں اقبال کے تصورِ پاکستان کی تعبیردیں گے، شبلی فراز

وفاقی وزیر اطلاعات سینیٹر شبلی فراز کا کہنا ہے کہ عمران خان کی قیادت میں اقبال کے تصورِ پاکستان کی تعبیر دیں گے۔

سماجی رابطے کی ویب سائٹ ٹوئٹر پر وفاقی وزیر اطلاعات سینیٹر شبلی فراز نے یوم اقبال کے موقع پر ٹوئٹ کرتے ہوئے کہا کہ ’قوم حضرت علامہ اقبال کو آج کے دن زبردست خراج عقیدت پیش کرتی ہے۔‘

شبلی فراز نے کہا کہ ’وہ ایک تاریخ ساز شاعر، عظیم فلسفی اور مفکر تھے، اقبال نے خودی کا ولولہ انگیز پیغام دیا۔‘

اپنے ٹوئٹ میں انہوں نے کہا کہ ’اقبال نے نوجوانوں کو اپنی دنیا آپ پیدا کرنے کا حکیمانہ درس دیا، عمران خان کی قیادت میں اقبال کے تصورِ پاکستان کی تعبیر دیں گے۔‘

یاد رہے کہ شاعر مشرق علامہ محمد اقبال 9 نومبر 1877 کو سیالکوٹ میں پیدا ہوئے تھے۔

قومی خبریں سے مزید