کشمور، ماں، بیٹی سے زیادتی کا ملزم جسمانی ریمانڈ پر پولیس کے حوالے

سندھ کے شہر کشمور میں ماں بیٹی سے زیادتی کے ملزم کو ایڈیشنل سیشن جج کی عدالت میں پیش کیا گیا، عدالت نے ملزم کو 3 روزہ جسمانی ریمانڈ پر پولیس کے حوالے کر دیا۔

پنجاب میں بچے، ماں بیٹی اور گونگی لڑکی سے زیادتی، ملزمان گرفتار

پنجاب کے مختلف شہروں میں ایک بچے، ماں بیٹی اور ایک گونگی لڑکی کو زیادتی کا نشانہ بنایا گیا ہے، تمام واقعات میں ملزمان کو گرفتار کر لیا گیا ہے۔

ایس ایس پی امجد علی شیخ نے عدالت کو بتایا کہ اس کیس کے مزید ملزمان کی گرفتاری کیلئے چھاپے مارے جا رہے ہیں۔

انہوں نے بتایا کہ ملزمان نے 5 سال کی بچی اور اس کی ماں کو زیادتی کا نشانہ بنا کر فروخت کر دیا تھا۔

ایس ایس پی امجد علی شیخ نے مزید بتایا کہ خاتون نے اغواء کاروں کے چنگل سے بھاگ کر کشمور پولیس کو اطلاع دی تھی، جس کے بعد پولیس نے کارروائی کر کے بچی کو بازیاب کرا لیا تھا۔

ا ن کا یہ بھی کہنا ہے کہ دونوں ماں بیٹی کو ایک ہفتہ قبل کراچی سے نوکری کا جھانسہ دے کر کشمور لایا گیا تھا۔