فرمان الہی
نماز کے اوقات
ویسٹ انڈیز کے جارح مزاج آل راؤنڈر کارلوس بریتھ ویٹ نے پاکستان سپر لیگ (پی ایس ایل) فائیو میں پشاور زلمی کو چمپئن بنوانے کے لیے عزم کا اظہار کرتے ہوئے کہا کہ پوری توجہ ٹائٹل جیتنے پر مرکوز ہے۔
کالی آندھی کو ورلڈ ٹی ٹوئنٹی 2016 کا فائنل جتوانے والے اور ناممکن کو ممکن بنانے والے کالوس بریتھ ویٹ کی پرفارمنس کوئی نہیں بھول سکتا۔
تاہم اب وہ پی ایس ایل میں بھی ایسی ہی پرفارمنس دینے کے لیے پر عزم دکھائی دے رہے ہیں۔
کارلوس بریتھ ویٹ کہتے ہیں کہ موجودہ صورتحال میں پی ایس ایل پلے آف کا ہونا اور پاکستان آنا ان کے لیے خوشی کا باعث ہے۔
کارلوس بریتھ ویٹ نے پاکستانی مداحوں سے کوویڈ-19سے بچاؤ کے لیے احتیاطی تدابیر پر عمل کرنے کی بھی درخواست کی۔
واضح رہے کہ پی ایس ایل میں بریتھ ویٹ پشاور زلمی کی نمائندگی کر رہے ہیں اور ان کی ٹیم ایلیمنیٹر 1 میں لاہور قلندرز سے مقابلہ کرے گی۔
