شنیرا نے کراچی کنگز کی فتح کس کے نام کی؟

پاکستان سُپر لیگ میں کراچی کنگز کے ہیڈ کوچ اور لیجنڈری کرکٹر وسیم اکرم کی اہلیہ شنیرا نے کراچی کنگز کی جیت سابق ہیڈ کوچ ڈین جونز کے نام کردی۔

گزشتہ روز کراچی کنگز کے پی ایس فائنل میں پہنچنے کے بعد جہاں ہر ایک کھلاڑی اور کوچز نے سابق ہیڈ کوچ ڈین جونز کو یاد کیا تو وہیں شنیرا اکرم نے یہ جیت ڈین جونز کے نام کرتے ہوئے مائیکرو بلاگنگ سائٹ ٹوئٹر پر اُن کے لیے خصوصی پیغام جاری کیا ہے۔

شنیرا اکرم نے ٹوئٹر پر نیشنل اسٹیڈیم کی ایک تصویر شیئر کی جس پر انگریزی زبان میں لکھا تھا کہ ’ڈین جونز ہمیشہ ہمارے دلوں میں زندہ رہیں گے۔‘

پی ایس ایل 5: کنگز نے سپر اوور میں سلطانز کو شکست دے کر فائنل میں جگہ بنالی

کراچی کنگز کے عماد وسیم نے اننگز کی آخری گیند پر چوکا لگا کر اسکور برابر کیا تو میچ کا فیصلہ سپر اوور میں ہوا۔

سابق کرکٹر کی اہلیہ نے ٹوئٹر پر یہ تصویر شیئر کرتے ہوئے لکھا کہ ’ہم ڈین جونز کو خراجِ عقیدت پیش کرتے ہوئے آج کی جیت اُن کے نام کرتے ہیں۔‘

واضح رہے کہ پاکستان سپر لیگ (پی ایس ایل) کے کوالیفائر کے ٹائی ہونے کے بعد سپر اوور میں کراچی کنگز نے ملتان سلطانز کو شکست دے کر فائنل کے لیے کوالیفائی کرلیا۔

شنیرا کو ڈین جونز پر فخر کیوں؟

سابق آسٹریلین بیٹسمین و کمنٹیٹر ڈین جونز کے انتقال پر سوئنگ کے سلطان وسیم اکرم کی اہلیہ و سماجی کارکن شنیرا اکرم کی جانب سے اظہارِ تعزیت کیا گیا ہے۔

نیشنل اسٹیدیم کراچی میں کھیلے گئے پی ایس ایل کے کوالیفائر میں ملتان سلطانز نے کراچی کنگز کو جیت کے لیے 142 رنز کا ہدف دیا تھا۔

کراچی کنگز کے کپتان عماد وسیم نے اننگز کی آخری گیند پر چوکا لگا کر اسکور برابر کیا تو میچ کا فیصلہ سپر اوور میں ہوا۔

شنیرا کا ڈین جونز کیلئے جذباتی پیغام

سوئنگ کے سلطان وسیم اکرم کی اہلیہ شنیرا اکرم نے سوشل میڈیا پر دنیائے کرکٹ کے سابق آسٹریلین بیٹسمین و کمنٹیٹر ڈین جونز کے لیے جذباتی پیغام جاری کرتے ہوئے کہا کہ آپ کی خدمات کے لیے ہم آپ کو سلام پیش کرتے ہیں، آپ ہمیشہ ہمارے دلوں میں زندہ رہیں گے۔

خیال رہے کہ انڈین پریمیئر لیگ(آئی پی ایل) کے سلسلے میں اسٹار انڈیا کے لیے کمنٹیٹر کی حیثیت سے فرائض انجام دینے والے سابق آسٹریلین کرکٹر ڈین جونز 24 ستمبر کی دوپہر دل کا دورہ پڑنے سے دارِ فانی سے کوچ کرگئے تھے۔