ان شاء اللّٰہ حکومت کو گھر جانا ہی پڑے گا، مریم نواز

پاکستان مسلم لیگ ن کی نائب صدر مریم نواز کا کہنا ہے کہ ان شاء اللّٰہ حکومت کو گھر تو جانا ہی پڑے گا۔

مریم نواز نے اپنے ایک بیان میں کہا ہے کہ جب سلیکٹڈ ہوں تو محض جلسوں سے ان کی ٹانگیں کانپنے لگ جاتی ہیں، جلسے پہلے بھی ہوتے آئے ہیں اور ان شاء اللّٰہ ملتان کا جلسہ بھی مقررہ وقت پر ہوگا۔

عمران خان کا کردار ’خواہ مخواہ‘ کا ہے، انہیں کوئی نہیں پوچھتا، مریم نواز

مریم نواز نے کہا کہ اگراتنی ذلت اس دن انہیں اٹھانا پڑتی تواستعفا اُن کے منہ پر مارتیں۔

مریم نواز نے وفاقی حکومت پر تنقید کرتے ہوئے کہا ہے کہ حکومت کو اتنا خوف ہے کہ ہر جلسے سے پہلے رہنماؤں پر کریک ڈاؤن شروع ہوجاتا ہے، کٹھ پتلی اور سلیکٹڈ حکومت جتنےاوچھے ہتھکنڈے استعمال کر لے کارکنوں کے جذبے پست نہیں کر سکتے ہیں۔

انہوں نے مزید کہا کہ عبدالغفار ڈوگر کا جرم یہ ہی ہے کہ وہ نوازشریف صاحب کے بیانیے کا علم بلند کیئے ہوئے ہیں۔

سب بیماریوں کا علاج جعلی حکومت گھر بھیجنا ہے، مریم نواز

مریم نواز نے کہا کہ بی آر ٹی کی بس اس جعلی اور سلکیٹڈ حکومت کی طرح چلنے سے انکاری ہے،سلیکٹڈ نے ملک کے امن کو بھی داؤ پر لگادیا ہے۔

مریم نواز کا اپنے والد، سابق وزیرِ اعظم میاں نواز شریف سے متعلق کہنا ہے کہ جب نواز شریف کی طرح عوام کا منتخب وزیرِ اعظم ہو تو 126 دن کا دھرنا بھی ناکام ہوتا ہے۔