آپ آف لائن ہیں
جمعرات17؍ربیع الثانی 1442ھ3؍دسمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بشریٰ انصاری کی بیٹی نے اپنی شادی کا اعلان کردیا

پاکستان شوبز انڈسٹری کی سینئر اداکارہ بشریٰ انصاری کی بیٹی میرا انصاری دوسری بار رشتہ ازدواج میں منسلک ہوگئیں۔

نیویارک میں شادی کرنے والی میرا انصاری نے انسٹاگرام پر شوہر کے ہمراہ تصویریں شیئر کیں اور اپنی شادی کا باضابطہ اعلان کیا۔


تصویروں کے کیپشن میں میرا نے قرآن شریف کی آیت ’بے شک مشکل کے ساتھ آسانی ہے‘ تحریر کی۔


اپنی ایک اور پوسٹ میں پہلی شادی سے ہونے والے بچوں کے ہمراہ تصویریں شیئر کرتے ہوئے انہیں اپنی خوشی کی اولین وجہ قرار دیا۔

میرا کی پوسٹ پر معروف شخصیات کمنٹس کر کے مبارکباد کے پیغامات دے رہے ہیں۔


پاکستان کی معروف اداکارہ بشریٰ انصاری 1978سے شوبز انڈسٹری کا حصہ ہیں اور طویل عرصے سے انڈسٹری پر راج کررہی ہیں۔

خیال رہے کہ 64 سالہ اداکارہ بشریٰ انصاری نے 1978 میں پروڈیوسر اقبال انصاری سے شادی کی تھی جو نامعلوم وجوہات کی بنا پر ختم ہوئی، ان کی دو بیٹیاں ناریمن انصاری اور میرا انصاری ہیں۔

انٹرٹینمنٹ سے مزید