آپ آف لائن ہیں
منگل15ربیع الثانی 1442ھ یکم دسمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

چینی کمیشن کی تحقیقات کے بعد نوکری سے برطرف افسر سجاد باجوہ کے الزامات



چینی کمیشن کی تحقیقات کے بعد نوکری سے برطرف ہونے والے افسر سجاد باجوہ نے چینی اسکینڈل کیس میں وزیر اعظم عمران خان، پرنسپل سیکرٹری اعظم خان اور مشیر احتساب و داخلہ شہزاد اکبر پر شوگر مافیا کو فائدہ پہنچانے کا الزام لگا دیا، جبکہ حکومتی اراکین نے برطرف افسر کے الزامات مسترد کردیے۔

سجاد باجوہ نے کہا کہ وزیراعظم عمران خان، پرنسپل سیکرٹری اعظم خان اور مشیر احتساب و داخلہ شہزاد اکبر نے شوگر مافیا کو 400 ارب روپے کا فائدہ پہنچایا۔

شہزاد اکبر نے الزامات کو مسترد کر تے ہوئے کہا کہ ان کا یا وزیر اعظم کا معاملے سے کوئی لینا دینا نہیں ہے۔

معاون خصوصی برائے احتساب نے کہا کہ وہ سجاد باجوہ کو جانتے بھی نہیں ہیں۔


شہباز گل نے کہا کہ سجاد باجوہ غلط بیانی کر رہے ہیں، کاش یہ ایمان داری معطل ہونے سے پہلے سامنے آتی۔

انہوں نے کہا کہ اگر سجاد باجوہ کی بات درست ہے تو پھر حکومت نے ہر مرحلے پر عدالت میں چینی کمیشن رپورٹ کا دفاع کیوں کیا؟ ایف آئی آر درج کیوں کی؟ کسی کو بچانا ہوتا تو کیا اس کیس کو اتنا آگے تک لے کر جاتے؟

قومی خبریں سے مزید