پاکستان کا افغانستان کو کورونا وائرس حفاظتی سامان کا عطیہ

پاکستان نے کورونا وائرس سے نمٹنے کیلئے حفاظتی سامان کے 50 ہزار سیٹ افغانستان کوعطیہ کردیے۔ 

نیشنل ڈیزاسٹر منیجمنٹ اتھارٹی کے مطابق حفاظتی سامان میں حفاظتی سوٹس، سرجیکل گاؤن اور جدید دستانے شامل ہیں۔ 

این ڈی ایم اے نے مزید بتایا کہ این 95 ماسک کے علاوہ فیس ماسک اور عینکیں بھی سامان میں شامل ہیں۔

 اسکے علاوہ جوتوں کے ڈسپوزایبل کور، فیس شیلڈ اور کارڈ بورڈ کے باکسز بھی افغانستان بھیجے گئے ہیں۔