آپ آف لائن ہیں
جمعرات17؍ربیع الثانی 1442ھ3؍دسمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کوک اسٹوڈیو کے سیزن 13 میں کون کون گلوکار شامل ہیں؟

پاکستان کے مشہور میوزک شو ’کوک اسٹوڈیو‘ کے 13 واں سیزن کی تیاری مکمل کرلی گئی، توقع کی جارہی ہے کہ رواں ماہ کے آخر میں پہلی قسط آن ایئر کی جائے گی۔

کوک اسٹوڈیو کا 13واں سیزن گزشتہ سیزنز کے مقابلے میں مختصر ہوگا، اس سیزن میں صرف 12 گانے پیش کئے جائیں گے جبکہ اس سیزن میں پرانے گانوں کے ریمک کے بجائے اصل گانوں کو پیش کیا جائے گا۔

کوک اسٹوڈیو کے سیزن 13 کو بھی وائٹل سائنز کے رکن روہیل حیات پروڈیوس کررہے ہیں۔

سیزن 13 میں شامل گلوکار:

اس سیزن میں پرفارم کرنے والوں میں گلوکار راحت فتح علی خان ، صنم ماروی ، میشا شفیع ، علی نور ، بوھیمیا ، اعزاز ، مہدی ملوف ، عمیر جسوال ، وجیہہ نقوی، زارا مدنی، سحر گل خان، نوازش ، علی پرویز مہدی ، فریحہ پرویز اور شہروز حسین شامل ہیں ۔

سیزن 13 میں استاد راحت فتح علی خان، صنم ماروی اور عمیر جسوال ایک ساتھ نظر آئیں گے، پنجابی ریپر بوھیمیا کی 8 برس بعد کوک اسٹوڈیو میں واپسی ہوگی جبکہ کلاسیکل گلوکار اعزاز اور مہدی مالوف نئے گلوکاروں کے ساتھ ڈیبیو کریں گے۔


کچھ کوک اسٹوڈیو کے بارے میں:

کوک اسٹوڈیو کا پہلا سیزن 2008 میں آیا تھا جو 13 اقساط پر مشتمل تھا اور اس کے بعد سے اب تک کوک اسٹوڈیو کے 12 سیزنز آچکے ہیں جبکہ 13واں رواں ماہ شروع ہوگا۔

اس کے بعد سیزن 2 جون 2009 میں شروع ہوا تھا جو 5 اقساط پر مشتمل تھا۔

کوک اسٹوڈیو کا تیسرا سیزن 2010 میں آیا تھا اور یہ 13 اقساط پر مشتمل تھا، چوتھا سیزن 2011، پانچواں سیزن 2012 اور چھٹا سیزن 2013 میں آیا تھا۔

مقبول ترین میوزک شو کا ساتواں سیزن 2014، آٹھواں سیزن 2015، نواں سیزن 2016، دسواں سیزن 2017، گیارہواں سیزن 2018 اور بارہواں سیزن 2012 میں آیا تھا ۔

یاد رہے کہ وائٹل سائنز کے روحیل حیات نے کوک اسٹوڈیو کے 6 سیزنز پروڈیوس کیے تھے اور انہوں نے 2013 میں کوک اسٹوڈیو سے علیحدگی اختیار کرلی تھی۔

روہیل حیات کے بعد اسٹرنگز 2014 میں کوک اسٹوڈیو کا حصہ بنے اور سیزن 7 سے سیزن 10 تک اس شو کو سنبھالا تھا اور بلال مقصود اور فیصل کپاڈیا نے 2017 میں کوک اسٹوڈیو کو خیرباد کہہ دیا تھا۔

اسٹرنگز کے بعد کوک اسٹوڈیو کا سیزن 11 موسیقاروں علی حمزہ اور زوہیب قاضی نے پروڈیوس کیا تھا۔

بعدازاں روحیل حیات کوک اسٹوڈیو کے 12 ویں سیزن کا آغاز گزشتہ برس 11 اکتوبر کو گلوکار عاطف اسلم کے ’وہی خدا‘ سے ہوا تھا، اس سیزن کو چند سال بعد روحیل حیات نے پروڈیوس کیا تھا اور 13واں سیزن بھی وہی پروڈیوس کررہے ہیں۔

انٹرٹینمنٹ سے مزید