فواد چوہدری کا اپوزیشن کو ورچوئل جلسوں کا مشورہ

وفاقی وزیرِ سائنس اینڈ ٹیکنالوجی چوہدری فواد حسین نے اپوزیشن کو ورچوئل جلسے کرنے کا مشورہ دے ڈالا۔

تحریک لبیک نے لاہور کو کورونا ٹائم بم بنانے میں کسر نہیں چھوڑی، فواد چوہدری

فواد چوہدری نے اپنے ٹوئٹر پیغام میں کہا کہ اپوزیشن کا رویہ خطرناک ہے، لوگوں کی زندگی کےساتھ کھیلنا مذاق نہیں ہے ۔

سماجی رابطے کی ویب سائٹ ٹوئٹر پر جاری کیئے گئے ایک بیان میں وفاقی وزیرِ سائنس اینڈ ٹیکنالوجی فواد چوہدری کا کہنا ہے کہ اپوزیشن اپنے 2 کلو گوشت کیلئے پوری گائے ذبح کرنا چاہتی ہے۔

انہوں نے کہا کہ نادانو! اگر بیماری پھیلتی ہےاور لوگوں کی زندگیاں داؤ پر لگتی ہیں تو کاہے کی سیاست؟ سیاست اور اقتدار زندگی کے ساتھ ہیں۔

وفاقی وزیرِ سائنس اینڈ ٹیکنالوجی کا یہ بھی کہنا ہے کہ اگر زندگی چیلنج ہو جائےتو سیاست کیا ہونی ہے، اپنی حکمتِ عملی بدلیں اگر جلسوں کا زیادہ شوق ہے تو ورچوئل جلسے کر لیں۔