کوروناوائرس کو مینیج کرنا حکومت کا کام ہے، شاہد خاقان عباسی

سابق وزیرِ اعظم اور مسلم لیگ نون کے رہنما شاہد خاقان عباسی کا کہنا ہے کہ کورونا وائرس ہے لیکن اس کو مینیج کرنا حکومت کا کام ہے۔

پاکستان مسلم لیگ نون کے رہنما و سابق وزیرِ اعظم شاہد خاقان عباسی نے ’جیو نیوز‘ سے گفتگو کے دوران کہا ہے کہ ابھی تک حکومت کی کورونا وائرس سے متعلق کوئی پالیسی نہیں ہے، بازار لوگوں سے بھرے ہیں اور لوگ بسوں میں سفر کر رہے ہیں۔

حکومت پنجاب کا PDM کے جلسوں کی اجازت نہ دینے کا فیصلہ

حکومتِ پنجاب نے اپوزیشن اتحاد پی ڈی ایم کو لاہور اور ملتان کے جلسوں کی اجازت نہ دینے کا فیصلہ کر لیا ہے۔

شاہد خاقان عباسی نے مزید کہا کہ یہ کہنا کہ جلسہ نہ کریں مناسب بات نہیں، اپوزیشن جماعتیں ایک پیج پر ہیں، سب آئین کی حکمرانی چاہتی ہیں۔

عمران خان کورونا کی آڑ میں اپنی ناکامیاں چھپا رہے ہیں، پرویز رشید

مسلم لیگ نون کے رہنما پرویز رشید کہتے ہیں کہ عمران خان پہلے سابقہ حکومت اور اب کورونا وائرس کی آڑ میں اپنی ناکامیاں چھپا رہے ہیں۔

انہوں نے یہ بھی کہا کہ حکومت کو جتنی جلدی ہوسکے گھر بھیج دیں اچھا ہو گا، حکومت سے 2 سال میں کوئی کام نہیں ہوسکا۔