فرمان الہی
نماز کے اوقات
اسلام آباد (مانیٹرنگ ڈیسک)سابق صدر آصف علی زرداری کوطبیعت بگڑنے پر کراچی کے اسپتال میں داخل کرا دیا گیا۔
اسلام آباد ہائی کورٹ میں8ارب روپے مشکوک ٹرانزیکشن کیس میں عبوری درخواست ضمانت میں آصف زرداری کی جانب سے منگل کو ہونے والی سماعت میں حاضری سے استثنیٰ کی درخواست دائر کردی گئی۔
اسلام آباد ہائیکورٹ میں دائر درخواست میں موقف اختیار کیا گیا ہے کہ 11 اکتوبر کو سابق صدر آصف علی زرداری کراچی کے اسپتال سے ڈسچارج ہوئے،طبیعت بگڑنے پر 22 نومبر کو دوبارہ اسپتال داخل کروایا گیا۔
آصف زرداری کی طبی بنیادوں پر منگل حاضری سے استثنی کی درخواست منظور کی جائے۔
درخواست کے ساتھ آصف علی زرداری کے میڈیکل رپورٹس بھی منسلک کی گئی ہیں۔8 ارب روپے کی مشکوک ٹرانزیکشن کیس میں آصف زرداری کی عبوری ضمانت پر سماعت کل ہو گی۔
جسٹس عامر فاروق اور جسٹس محسن اختر کیانی کیس کی سماعت کریں گے۔
