کوئٹہ میں موسم سرما کی تین ماہ سے زائد کی تعطیلات کا اعلان

صوبائی دارالحکومت کوئٹہ میں کل سے اسکولوں میں موسم سرما کی تین ماہ سے زائد کی تعطیلات کا اعلان کردیا گیا ہے۔

اسکولوں میں موسم سرما کی تعطیلات سےمتعلق ڈسٹرکٹ ایجوکیشن افسرکوئٹہ نے مراسلہ جاری کردیا ہے۔

اسکول بند کرنے کے حق میں نہیں ہوں: مراد راس

وزیر تعلیم پنجاب مراد راس نے کہا ہے کہ اسکول بند کرنے کی حق میں نہیں ہوں لیکن اگر کورونا وائرس آوٹ آف کنٹرول ہوا تو قابو پانا مشکل ہوگا۔

ڈسٹرکٹ ایجوکیشن افسر فرزانہ احمدزئی کا کہنا ہے کہ آج تدریسی سال کا آخری دن ہے، کل 26 نومبر 2020سے28فروری 2021تک موسم سرما کی تعطیلات ہوں گی۔

انہوں نے کہا کہ یکم مارچ 2021سے اسکولوں میں باقاعدہ درس تدریس کاسلسلہ شروع ہوگا، 10مارچ 2021سےسالانہ امتحانات برائے سال 2020منعقد ہوں گے۔

26 نومبر سے تعلیمی ادارے بند رکھنے کا فیصلہ

وفاقی وزیرِ تعلیم شفقت محمود نے کورونا وائرس کی دوسری لہر میں خطرناک اضافے کے بعد 26نومبر سے 24 دسمبر تک تعلیمی ادارے بند کرنے کا اعلان کردیا ہے۔ان کا کہنا ہے کہ 25 دسمبر سے 10 جنوری تک تمام تعلیمی اداروں میں سردیوں کی مکمل تعطیلات ہوں گی۔

ڈی ای او کوئٹہ کا کہنا ہے کہ سالانہ امتحانات کےلئےطلباء و طالبات کو ڈیٹ شیٹ اور اسمارٹ سلیبس دیاجائے، ساتھ ہی انہوں نے یہ بھی کہا کہ ڈی ای او اورڈپٹی ڈی ای اواسکول کےحاضری رجسٹرکی تصدیق شدہ کاپیاں بھیجیں۔