آپ آف لائن ہیں
ہفتہ9؍جمادی الثانی 1442ھ 23؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کراچی سرکلر ریلوے عوام کے ساتھ بھونڈا مذاق ہے، حافظ نعیم الرحمان


جماعت اسلامی کراچی کے امیر حافظ نعیم الرحمان نے مطالبہ کیا ہے کراچی کی ٹوٹی پھوٹی سڑکوں کی استرکاری کا کام ایک ماہ میں مکمل کیا جائے، وزیراعظم کا کراچی کیلئے 11 سو ارب روپے کا پیکیج کھوکھلے اعلانات کے سوا کچھ نہیں، جبکہ کراچی سرکلر ریلوے عوام کے ساتھ بھونڈا مذاق ہے۔

جماعت اسلامی کراچی کے امیر حافظ نعیم الرحمان نے ادارہ نور حق میں پریس کانفرنس کرتے ہوئے کہا کہ چار ٹرینیں چلا کر کے سی آر کی بحالی کا اعلان کراچی کے عوام کے ساتھ دھوکہ ہے۔ وزیر اعظم کے 11 سو ارب روپے کے اعلانات کو تین ماہ ہونے کے باوجود بات اعلانات اور اجلاسوں سے آگے نہیں بڑھی۔


انہوں نے کہا کہ شہر کی گلیاں اور سڑکیں سیوریج کے پانی اور کچرے سے بھری پڑی ہیں، تین کروڑ آبادی کے شہر کو ڈیڑھ کروڑ گنیں گے تو مسائل کیسے حل ہوں گے۔

حافظ نعیم الرحمان نے کہا کہ وفاقی حکومت میں شامل ایم کیو ایم اور قومی اسمبلی کی 14 نشستیں رکھنے والی پی ٹی آئی کراچی کے مسائل کے حل میں ناکام ہے۔ گرین لائن منصوبہ وفاق کا منصوبہ ہے وزیر اعظم جواب دیں کہ یہ مکمل کیوں نہیں ہوا۔

قومی خبریں سے مزید