حکومت نے قوم کو معاشی غلامی کے شکنجے میں جکڑ دیا ہے، حلقہ خواتین جماعت اسلامی

لاہور (نیوزرپورٹر) انفرادی اور اجتماعی زندگی کے تمام دائروں میں میں اللہ کی بندگی ہی کامیابی ہے۔بندگی رب کا مطلب انسانوں کو انسانوں کی غلامی سے نکال کر ایک اللہ کی بندگی میں دے دیا جائے۔ان خیالات کا اظہار سیکرٹری جنرل حلقہ خواتین جماعت اسلامی پاکستان دردانہ صدیقی نے سیاسی سیل حلقہ خواتین جماعت اسلامی کے تحت صوبائی ناظمات اور نگران شعبہ جات کی جائزہ نشست سے خطاب کرتے ہوئے کیا،دردانہ صدیقی نے کہا کہ ہماری حکومت نے گرےلسٹ کی آڑ میں قوم کو معاشی غلامی کے شکنجے میں جکڑ دیا ہے ۔اجلاس سے سیاسی امور کی نگران عائشہ منور، ڈائریکٹر امور خارجہ ڈاکٹر سمیحہ راحیل قاضی،معتمدہ حلقہ خواتین تسنیم معظم نے بھی خطاب کیا۔