آپ آف لائن ہیں
ہفتہ9؍جمادی الثانی 1442ھ 23؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

خیرپور: ASI بلاول وسان قتل کیس، ملزمان کا اعتراف ِ جرم

خیرپور میں پولیس اہلکار اےایس آئی بلاول وسان قتل کیس کے معاملے پر ایس ایس پی امیر سعود مگسی نے کہا کہ گرفتار ملزمان فراز راجپوت اور ثقلین شاہ نے بلاول وسان کے قتل کا اعتراف کرلیا ہے۔

امیر سعود مگسی کا بلاول وسان قتل کیس کے حوالے سے کہنا تھا کہ ملزمان نے لین دین کے تنازع پر بلاول وسان کو قتل کیا۔ ملزمان نے بلاول وسان کو گاڑی میں نیند کی گولیاں کھلائیں اور چاقو سے قتل کیا۔

ایس ایس پی کا مزید کہنا تھا کہ قتل کو حادثے کا رنگ دینے کے لیے پٹرول چھڑک کر لاش کو گاڑی سمیت جلایا گیا۔

واضح رہے کہ 18 نومبرکی رات بھرگنی کے قریب سے جلی ہوئی گاڑی سے بلاول وسان کی لاش ملی تھی۔

قومی خبریں سے مزید