میراڈونا کا مرنے سے قبل سابق گرل فرینڈ کے شوہر سے رابطے کا انکشاف

ارجنٹینا سے تعلق رکھنے والے فٹبال لیجنڈ ڈیاگو میراڈونا نے بستر مرگ سے  اپنی سابق گرل فرینڈ ویرونیکا اوجیڈا کے شوہر ماریو بوڈری کو میسج کیا تھا۔

وفات سے چند گھنٹے قبل بھیجے گئے پیغام میں میراڈونا نے ماریو بوڈری سے  درخواست کی تھی کہ وہ اپنی اہلیہ اور ان کے بیٹے کا خیال رکھیں۔ 

 برطانوی اخبار کے مطابق میراڈونا نے مرنے سے پہلے ایک  وائس ریکارڈنگ میں ویرونیکا کے شوہر ماریو بوڈری سے گزارش کی تھی کہ ’ان کا (ویرونیکا) اور میرے ننھے فرشتے کا خیال رکھنا۔‘ فرشتے سے ان کا اشارہ اپنے بیٹے ڈیجیٹو کی طرف تھا۔

لیونل میسی کا میراڈونا کو خراج تحسین

معروف ارجنٹائنی فٹبالر لیونل میسی نے اپنے ہم وطن عالمی شہرت یافتہ لیجنڈری فٹبالر ڈیاگو میراڈونا کی موت پر دکھ کا اظہار کرتے ہوئے لکھا کہ ڈیاگو ہماری یادوں میں ہمیشہ رہےگا۔

خیال رہے کہ گزشتہ دنوں دنیائے فٹبال کا عظیم باب بند ہوگیا۔ اسٹار فٹبالر میراڈونا60 برس کی عمر میں حرکت قلب بند ہونےسے جہانِ فانی سے کوچ کر گئے۔

فاطمہ بھٹو افسردہ کیوں؟

اسلامی دنیا کی پہلی خاتون وزیراعظم بے نظیر بھٹو کی بھتیجی فاطمہ بھٹو ارجنٹینا سے تعلق رکھنے والے شہرہ آفاق فٹبالر میراڈونا کے موت سے افسردہ ہوگئیں۔

میراڈونا کا شمار دنیا کے بہترین فٹبالرز میں ہوتا تھا وہ 4 عالمی فٹبال کپ میں ارجنٹینا کی نمائندگی کرنے کا اعزاز رکھتے تھے۔

ویرونیکا اور ڈیجیٹو نے میراڈونا کے جنازے میں شرکت کی تھی۔ میراڈونا کو جمعے کو دارالحکومت بیونس آئرس کے مضافات میں ایک قبرستان میں ان کے والدین کے پہلو میں دفنایا گیا۔