کراچی: جوہر چورنگی کے قریب مبینہ مقابلہ، ملزم گرفتار

کراچی کے علاقے جوہر چورنگی کے قریب مبینہ پولیس مقابلے میں زخمی حالت میں ملزم کو گرفتار کیا گیا ہے جبکہ اس کا ساتھی فرار ہونے میں کامیاب ہو گیا۔

پولیس کے مطابق ملزمان نے جوہر تھانےکی حدود میں موبائل شاپ پر ڈکیتی کی تھی، ملزمان نے دکان سے 8 موبائل فون اور ایک لاکھ سے زائد رقم لوٹی تھی۔

پولیس کا کہنا ہے کہ ملزمان فرار ہورہے تھے، پولیس سے مقابلہ ہوا، جس میں ایک ملزم کو گرفتار کیا گیا جس سے موبائل فون اور نقدی برآمد ہوئی ہے۔