ویکسین کی ٹرائل ڈوز لگوانے والے بھارتی وزیر کورونا کا شکار

ٹرائل ویکسین ڈوز لگوانے والے ہریانہ کے وزیر داخلہ انیل وج کا کورونا وائرس ٹیسٹ مثبت آگیا۔

اس حوالے سے بھارتی ریاست ہریانہ کے وزیر داخلہ انیل وج نے سماجی رابطے کی ویب سائٹ ٹوئٹر پر ایک اہم بیان جاری کیا ہے جس میں اُنہوں نے کہا کہ ’بدقسمتی سے میرا کورونا وائرس ٹیسٹ مثبت آگیا ہے۔‘

بھارتی وزیر انیل وج نے کہا کہ ’کورونا وائرس ٹیسٹ مثبت آنے کے بعد مجھے سول اسپتال امبالہ کینٹ میں داخل کردیا گیا ہے۔‘

انیل وج نے اپیل کرتے ہوئے کہا کہ ’گزشتہ دنوں جو لوگ بھی مجھ سے رابطے میں رہے تھے اُن سے گزارش ہے کہ وہ اپنا کورونا وائرس ٹیسٹ کروالیں۔‘

دنیا میں کورونا وائرس کیسز 6 کروڑ 48 لاکھ سے متجاوز

دنیا بھر میں کورونا وائرس سے متاثرہ افراد کی تعداد 6 کروڑ 48 لاکھ 45 ہزار 925 تک جا پہنچی ہے جبکہ اس موذی وائرس سے ہلاکتیں 14 لاکھ 99 ہزار 357 ہو گئیں۔

کورونا وائرس بھارت سے شروع ہوکر دنیا میں پھیلا ، چین کا دعویٰ

چینی سائنس دانوں کا دعویٰ ہے کہ کورونا وائرس جانوروں کے ذریعے گندے پانی سے انسانوں تک پہنچا۔ اس کے بعد یہ بھارت سے چین کےصوبے ووہان میں پہنچا، جہاں اس کی پہلی بار شناخت کی گئی۔

یاد رہے کہ گزشتہ دنوں بھارتی وزیر انیل وج نے ہریانہ میں کورونا وائرس کی ٹرائل ویکسین ڈوز لگوائی تھی۔

دوسری جانب ہریانہ میں اس وقت دو لاکھ سے زائد افراد عالمی وباء کورونا وائرس کا شکار ہوچکے ہیں جبکہ وہاں اس وائرس سے اموات کی تعداد دو ہزار سے زائد ہوگئی ہے۔