پی ڈی ایم والے اعتزاز احسن کی ہی سن لیں، اسد عمر

وفاقی وزیر اسد عمر نے کہا ہے کہ ہماری نہیں سنتے پی ڈی ایم والے اعتزاز احسن کی ہی سن لیں کہ وہ کیا تجویز دے رہے ہیں۔

سماجی رابطے کی ویب سائٹ ٹوئٹر پر وفاقی وزیر اسد عمر نے اپنے ٹویٹ میں پیپلز پارٹی کے سینئر رہنما اعتزاز احسن کی ایک میڈیا ٹاک کی ویڈیو شیئر کی جس میں وہ کورونا وائرس کے خدشے کے پیش نظر پی ڈی ایم جلسے کو ملتوی کرنے کا مشورہ دے رہے ہیں۔

پی ڈی ایم سربراہی اجلاس، 31دسمبر تک ارکان پارلیمنٹ سے استعفے طلب، لانگ مارچ، پہیہ جام، شٹرڈاؤن پر فیصلہ آج

اسلام آباد (نمائندہ جنگ، مانیٹرنگ ڈیسک، این این...

اسد عمر نے کہا کہ اعتزاز احسن، ڈاکٹرز ، دینی طبقے ،علماء، میڈیا اور ہر زی شعور انسان کا پیغام دے رہے ہیں کہ احتیاط کریں۔

وفاقی وزیر نے کہا کہ اسپتالوں میں مریضوں کا اضافہ ہو رہا ہے، اموات بڑھ رہی ہیں، احتیاط کیجئے اپنی خاطر، اپنے پیاروں کی خاطر !۔

پی ڈی ایم اجلاس کی اندرونی کہانی

اجلاس میں یہ فیصلہ بھی کیا گیا کہ استعفے چاروں صوبائی اسمبلیوں اور قومی اسمبلی سے دیے جائیں گے

واضح رہے کہ حکومت مخالف اتحاد پی ڈی ایم کے سر براہ مولانا فضل الرحمٰن نے کہا کہ 13 دسمبر کو مینار پاکستان کے سائے تلے ہمارا جلسہ تاریخی اور حکمران جماعت کےاقتدار کے تابوت میں آخری کیل ثا بت ہوگا۔

انہوں نے خبردار کیا کہ رکا وٹیں ڈالنے کی کوشش کی گئی تو ملتان سے بھی برا حشر کریں گے۔