پاکستان کی طرف سے ایم ایل ون منصوبے کا کام مکمل ہے، شیخ رشید

وفاقی وزیر داخلہ شیخ رشید کا کہنا ہے کہ پاکستان کی طرف سے ایم ایل ون منصوبے کا کام مکمل ہے۔

وفاقی وزیر داخلہ شیخ رشیدنے جیو نیوز سے گفتگو کرتے ہوئے کہا کہ ہم نے ایم ایل ون کے منصوبے کی ایکنک سے منظوری لے لی، ٹینڈر لگانا باقی ہے۔

شیخ رشید کی اپنی سیاسی زندگی میں 15ویں وزارت

سابق وزیر ریلوے شیخ رشید احمد کو آج وفاقی وزیر داخلہ کا قلمدان سونپا گیا جو اُن کی 15ویں وزارت ہے۔

انہوں نے کہا کہ اگلے وزیر ریلوے نے اب ایم ایل ون منصوبے کا صرف ٹینڈر لگانا ہے جبکہ نالہ لئی ایکسپریس وے کا منصوبہ حتمی مراحل میں ہے۔

شیخ رشید نے مزید کہا کہ وزیرداخلہ بن کرنالہ لئی ایکسپریس وے منصوبے کو دیکھتا رہوں گا۔