فرمان الہی
نماز کے اوقات
اسلامی فتوحات پر مبنی شہرہ آفاق تُرک سیریز ’ارطغرل غازی‘ میں معروف صوفی بزرگ ’ابن عربی‘ کا کردار ادا کرنے والے تُرک نژاد امریکی اداکار عثمان سویقوت نے سوشل میڈیا پر حلیمہ سلطان کے ساتھ تصویر شیئر کردی ہے۔
سماجی رابطے کی ویب سائٹ انسٹاگرام پر عثمان سیقوت نے اپنی ایک یادگار تصویر شیئر کی ہے جس میں اُن کے ہمراہ ’ارطغرل غازی‘ کی مرکزی اداکارہ حلیمہ سلطان بھی موجود ہیں۔
عثمان سیقوت کی جانب سے شیئر کی جانے والی تصویر ارطغرل غازی کے سیٹ کی ہے۔
تُرک نژاد امریکی اداکار نے انسٹاگرام پر حلیمہ سلطان کے ساتھ اپنی یادگار تصویر شیئر کرتے ہوئے لکھا کہ ’ایک شاندار اور زبردست اداکارہ اسرا بیلگیچ کے ہمراہ ارطغرل غازی کے سیٹ کی تصویر۔‘
عثمان سیقوت کی اس پوسٹ کو پاکستان سمیت دُنیا بھر میں موجود اُن کے چاہنے والے بہت پسند کر رہے ہیں۔
اس سے قبل عثمان سیقوت نے انسٹاگرام پر ’ارطغرل غازی‘ کے سیزن 3 میں اصلاحان خاتون کا کردار ادا کرنے والی تُرک اداکارہ گولسم علی کے ہمراہ اپنی تصویر شیئر کی تھی۔
انسٹاگرام پر تصویر شیئر کرتے ہوئے اُنہوں نے بتایا تھا کہ ’یہ تصویر اُس وقت کی ہے جب ہم ارطغرل غازی کی تشہیر کے لیے ازمیر گئے تھے۔‘
واضح رہے کہ ’ارطغرل غازی ‘ میں معروف صوفی بزرگ ’ابن عربی‘ کا کردار ترک نژاد امریکی اداکار عثمان سویقوت نے ادا کیا ہے۔
