فرمان الہی
نماز کے اوقات
برطانوی شہر کیمبرج میں قتل کیے گئے سعودی طالبعلم کی نمازِ جنازہ مسجد الحرام میں ادا کردی گئی
نوجوان محمد القاسم کو چند روز قبل کیمبرج میں پُرتشدد حملے کا نشانہ بنایا گیا تھا، جس کے نتیجے میں ان کی موت واقع ہوگئی تھی۔
عرب میڈیا کے مطابق یہ واقعہ سعودی عوام میں گہرے دکھ اور غم و غصے کا باعث بنا اور سوشل میڈیا پر مجرموں کو سزا دینے اور مکمل انصاف کا مطالبہ زور پکڑ رہا ہے۔
دوسری جانب برطانوی کاؤنٹی کیمبرج شائر میں 10 ہفتے کے تعلیمی و تربیتی پروگرام کے دوران سعودی عرب سے تعلق رکھنے والے طالبعلم کے بہیمانہ قتل کے سلسلے میں ایک شخص پر فردِ جرم عائد کردی گئی ہے۔
ملزم کو رواں ہفتے عدالت میں پیش کردیا گیا تھا جہاں اس پر قتل کی باضابطہ فردِ جرم عائد کی گئی۔
کیمبرج شائر پولیس نے عوام سے اپیل کی ہے کہ اگر کسی کے پاس واقعے سے متعلق کوئی معلومات ہوں تو وہ فوری طور پر پولیس سے رابطہ کریں۔
