بھارتی کسانوں کی احتجاجی تحریک یورپ بھی پہنچ گئی

بھارت میں نئے زرعی قوانین کے خلاف کسانوں کا احتجاج شدت اختیار کرتا جا رہا ہے اور اب بھارتی کسانوں کی یہ احتجاجی تحریک یورپ بھی پہنچ گئی ہے۔

 بھارتی کسان اور سکھ کمیونٹی ملک کے اندر اور باہر سراپا احتجاج ہیں اور اس ضمن میں پیرس میں بھی سکھ کمیونٹی کی جانب سے احتجاجی ریلی نکالی گئی۔ 

کورونا وائرس کی وبا،  سماجی فاصلے اور خراب موسم کے باوجود سکھ کمیونٹی کی ایک بہت بڑی تعداد احتجاجی ریلی میں موجود تھی ریلی میں بچے خواتین کی بھی ایک بڑی  تعداد موجود تھی۔  

بھارتی کسانوں کی پیر کو ایک اور ملک گیر احتجاج کی کال

کسان رہنماؤں نے چودہ دسمبر کو ملک گیر احتجاج اور ہفتے تک جے پور، دہلی اور دہلی، آگرہ ایکسپریس وے بند کرنے کا اعلان کیا ہے۔

ریلی  نے ایفل ٹاور سے پیرس میں انڈین سفارت خانے تک احتجاجی مارچ کیا جبکہ ریلی میں  موجود سکھ کمیونٹی کے احتجاجی مظاہرین کا کہنا تھا کہ بھارت کی موجودہ حکومت سکھوں کے ساتھ امتیازی سلوک کر رہی ہے۔ ہم   بھارت میں پنجابی  کسانوں کو انصاف دلوانے کے لیے یہاں جمع ہوئے ہیں۔ 

مظاہرین نے کہا کہ نئے زرعی قوانین سکھ کمیونٹی کے خلاف ہیں اور مودی حکومت کے برسر اقتدار میں آنے  کے بعد بھارت میں اقلیتوں کے مسائل میں اضافہ ہوا ہے۔ 

بھارتی کسانوں کی ہڑتال، دھرنے، ٹرانسپورٹ، ریلوے سروس معطل، پورا ملک بند

نئی دہلی (اے ایف پی /جنگ نیوز )بھارت میں کسانوں کی...

احتجاجی مظاہرین نے ہاتھوں میں بینر اور پلے کارڈ بھی اٹھائے ہوئے جن پر بھارتی حکومت کی کسان دشمن پالیسی، اور بھارتی  حکومت کے خلاف الفاظ تحریر ہیں جبکہ مظاہرین مودی مردہ باد  کے نعرے  لگا رہے تھے۔  

مظاہرین کا کہنا ہے کہ اگر بھارتی حکومت کسان دشمن اور سکھ مخالف پالیسی ترک نہیں کرتی تو یہ تحریک کوئی اور رُخ بھی اختیار کر سکتی ہے۔ 

بھارتی کسان رہنماؤں کے حکومت کیساتھ مذاکرات منسوخ

بھارتی کسان رہنماؤں نے حکومت کےساتھ ہونے والے آج کے مذاکرات منسوخ کردیئے۔

اُنہوں نے مطالبہ کیا کہ بھارتی حکومت  کسانوں اور سکھ کمیونٹی کے خلاف غیر قانونی اقدمات بند کرے۔