کورونا کی لہر پہلے کے مقابلے میں 4 گنا بڑی ہوسکتی ہے، عذرا پیچوہو

صوبائی وزیر صحت ڈاکٹر عذرا پیچوہو کا کہنا ہے کہ کورونا وائرس کی موجودہ لہر جون جولائی کے مقابلے میں 3 سے 4 گنا بڑی ہوسکتی ہے۔

وزیر صحت سندھ ڈاکٹر عذرا پیچوہو نے اپنے ایک بیان میں کہا کہ کورونا وائرس کا مرض ہزاروں کی تعداد میں پھیل رہا ہے، سندھ میں یومیہ 16 سے 18ہزار تک ٹیسٹ کیےجارہے ہیں۔

حیدر آباد: رات گئے کورونا وائرس کے 3 مریض جاں بحق

سندھ کے دوسرے بڑے شہر حیدر آباد میں کورونا وائرس کے مزید 3 مریض دم توڑ گئے، جبکہ صرف 6 روز میں 25 افراد اس وباء کے ہاتھوں زندگی کی بازی ہار چکے ہیں۔

انہوں نے کہا کہ کراچی میں دستیاب وینٹی لیٹرز کی تعداد 237 ہے جبکہ ایچ ڈی یو بیڈز کی تعداد 828 اور آئیسولیشن وارڈ میں 1536بیڈز ہیں۔

وزیر صحت سندھ ڈاکٹر عذرا پیچوہو نے کہا کہ کورونا وائرس کے مریضوں کی موجودہ تعداد وہ ہے جو ٹیسٹ کروا رہے ہیں۔

اُن کا مزید کہنا ہے کہ جنہوں نے علامات نہ ہونے پر ٹیسٹ نہیں کروایا اُن سے متعلق کچھ نہیں کہا جاسکتا۔